AGRI-PULSE – NOORDWES – Die weeklikse opname van damvlakke van die Departement van Water en Sanitasie in Noordwes het in die afgelope weke ‘n afname in vlakke getoon – waarskynlik as gevolg van minder reën in die provinsie. Die vlakke van opgaardamme in die provinsie was verlede jaar hierdie tyd ietwat voller met 84.5% in vergelyking met die huidige 84%. Die departement het ‘n beroep op alle watergebruikers in die provinsie gedoen om voorlopig meer spaarsaam met water om te gaan. Volgens die jongste lesings, is die vlak van die Ngotwanedam vandeesweek tans 51.3% in vergelyking met 51.9% van verlede week.

AGRI-PULSE – RUSTENBURG - The North West Province has recorded four Highly Pathogenic Avian Influenza (H5 and H7) cases. All these cases are in the Bojanala Platinum District Municipality. These outbreaks were confirmed through the Polymerase Chain Reaction (PCR) method which is definitive.
These farms are layer farms and are also registered as ZA compartmentalized facilities with the National Department of Agriculture, Land Reform and Rural Development (DALRRD). As precautionary measures, quarantine notices have been issued and a proposal for culling the affected farms has been issued to them.

AGRIPULSE – NOORDWES - Die term Groot Vyf, met verwysing na die jag van soogdiere in Afrika is oorspronklik ‘n jagterm wat deur grootwildjagters gebruik is. Dit was geskep om aan te dui hoe moeilk en gevaarlik dit is om sekere soogdiere te voet te jag.  Dit het dus glad nie verwys na die grootste dier of hoe skaars die betrokke spesie is nie. Dit is ‘n term wat trofeejagters regoor die wêreld aangegryp het en is vandag steeds in die jag- en toerisme bedryf aantreklike bemarkingsfoefies om toeriste teen groot tariewe na Afrika te lok. Hierdie verwysing na die Groot Vyf het aanleiding gegee tot die Groot Sewe (wat walvisse en witdoodhaaie insluit), die Klein Vyf (wat die mierleeu en bergskilpad insluit), Die Skugter Vyf (wat die meerkat, aardvark en ystervark insluit), die Lelike Vyf (wat aasvoëls, die gevlekte hiëna en vlakvark insluit) en die Super Twee met verwysing na die skaars wildehond en jagluiperd.

AGRI-PULSE – LICHTENBURG – Baie mense het onlangs ontdek daar’s ‘n dorpie in die Noordwes met die naam van Biesiesvlei.
Dit was toe dié gemeenskap in die nuus was, maar vir ‘n klomp verkeerde redes. Biesiesvlei het middel-Julie nuusbulletins gehaal toe ‘n opgaarplek vir ou bande aan die brand geraak het. 
Agri-Pulse se susterpublikasie, Noordwester, het toe berig oor die plek wat nie net vir ‘n geruime tyd reeds ‘n seeroog vir die gemeenskap is nie, maar ook ‘n veiligheids- en gesondheidrisiko vir mens en dier inhou. 
Die opgaarplek, wat vier jaar gelede deur die Noordwes se Departement Bosbou, Visserye en Omgewingsake, begin is,  is feitlik op die walle van die Groot-Hartsrivier.  Die moeilikheid het begin toe ‘n veldbrand ontstaan het. Boere van die distrik het dadelik reageer, en het met hul brandbestrydingtoerusting die vuur probeer blus -maar weens die aard van die brand kon hulle nie veel utrig nie. Sterk winde het situasie vererger en die vlamme het vinnig versprei en die bandeopgaarplek was spoedig in vlamme.